A primera edizión de Cutiano agüerro aparex en l'añada 1977 dintro de a colezión Puyal (de a que fa o lumero 6) de a editorial Publicaciones Porvivir Independiente que, con siedes en Luesia e Barzelona, empenta o poeta Ángel Guinda. Cutiano agüerro ye o cuatreno de os poemarios publicatos en aragonés común. Antis d'ista obra nomás yeran estatos publicatos que os libros Sospiros de l'aire, No deixez morir a mía voz e Garba y augua. Ista triada, tresena u trilochía d'autros constituyen a primera chenerazión -e, tanto, a fundazional- de a poesía moderna en aragonés común.

Ista iniziatiba de Chusé Aragüés e Gara d'Edizions de tornar á editar Cutiano agüerro chusto cuan se fan as trenta añadas de a suya aparizión ye atinata e dina d'estar lobata e emponderata en a mida en o que bale.